18.04.2018, 11:41 909 Алматыда Тшановтың жүлдесіне арналған V халықаралық турнир өтеді

Сәуірдің 20-ы мен 24-і аралығында бокстан ҚСРО-ның спорт шебері, ҚР еңбек сіңірген бапкері Амалбек Тшановтың жүлдесіне арналған V халықаралық турнир өтеді, деп хабарлайды «SPORTINFORM» САА.

Жарыс Республикалық спорт колледжінің жеңіл атлетика манежінде өтеді. Турнирдің басты мақсаты бокс спорт түрін жастар арасында дамыту және оларды спорт шеберлігіне дайындау. Бокс додасының ашылу салтанаты сәуірдің 20-на жоспарланған.

Турнирге тек спорт шеберлігіне үміткер 2000-2001 жылғы боксшылар ғана қатыса алады. Олар 10 салмақ дәрежесі бойынша 49, 52, 56, 60, 64, 69, 75, 81, 91, +91 өзара мықтыны анықтайды.

Жеңімпаздар мен жүлдегерлер грамота, медаль және бағалы сыйлықтарға ие болады. Сонымен қатар, «Турнирдін үздік боксшысы», «Күннің үздік боксшысы» және «Үздік төреші» номинациялары бойынша марапаттау рәсімі өтеді.

  • Достармен бөлісу:
  • ЖАҢАЛЫҚТАР
  • Танымал