19.07.2018, 17:36 1244 Денис Тенді не үшін пышақтағаны анықталды

Денис Тенді кімдер пышақтап кеткені белгілі болды, деп хабарлайды ҚазАқпарат тілшісі.

Қалалық ІІД баспасөз қызметінің хабарлауынша, оқиға Құрманғазы Байсейітова көшелерінің қиылысында түскі сағат 15:00 шамасында болған.

«Спортшы көлігінің айнасын ұрлап бара жатқан екі адамның үстінен түскен. Екі арада басталған жанжалдың нәтижесінде әлгі адамдар Денис Тенді пышақтап кеткен. Қазір күдіктілер іздестіріліп жатыр. Аталған дерек бойынша сотқа дейінгі тергеу жұмыстары басталды. Бұл жұмысқа барлық ІІД құрамы жұмылдырылды», - деді қалалық ІІД баспасөз қызметінен.

Ал дәрігерлердің айтуынша, Денис Тен ауруханаға өте ауыр жағдайда түскен.

«19 шілде күні сағат 14:56-де Жедел жәрдем стансасына Денис Тенді пышақтап кетті деген хабарлама түсті. Оқиға орнына шұғыл түрде дәрігерлер жетті. Пациент Орталық клиникалық ауруханаға шұғыл жеткізілді. Ол оң жақ санының жоғарғы тұсынан жарақат алған», - дейді дәрігерлер. Денис Тенді не үшін пышақтағаны анықталды.

Айта кету керек, Денис Тен бүгін ауыр пышақ жарақатымен ауруханаға түскен болатын.

  • Достармен бөлісу:
  • ЖАҢАЛЫҚТАР
  • Танымал