05.09.2018, 10:33 532 Елеусінов Головкиннің айқасуы мүмкін қарсыласымен жекпе-жекке шығады

Қазақстандық кәсіпқой боксшы Данияр Елеусінов (3-0, 1 КО) келесі жекпе-жегін 20 қазан күні Бостон қаласында (Массачутетс штаты, АҚШ) өткізеді.

Оның қарсыласы әзірге белгісіз. TD Garden аренасында өтетін бокс кешінің хедлайнерлері кім екендігі анық. Олар: орта салмақта WBO тұжырымы бойынша әлем чемпионы Билли Джо Сондерс (26-0, 12 КО) және Деметриус Андраде (25-0, 16 КО) болмақ.

Айта кетейік, Сондерс қазақстандық басқа бір боксшы Геннадий Головкинмен (38-0-1, 34 КО) де айқасуы мүмкін.

Соңғы рет Елеусінов рингке 4 тамыз күні шықты. Ол Уэльс астанасы Кардиффте өткен жекпе-жекте венгр боксшысы Габор Горбичті (26-12, 16 КО) ұпай санымен жеңген болатын.

  • Достармен бөлісу:
  • ЖАҢАЛЫҚТАР
  • Танымал