14.06.2018, 10:52 693 Елеусіновтің салмағындағы Кроуфорд Головкинді Р4Р рейтингінде басып озды

ESPN нұсқасы бойынша Р4Р (барлық салмақ дәрежесінде) жаңартылған рейтингі шықты, деп хабарлайды «SPORTINFORM» САА.

Данияр Елеусіновтің салмақ дәрежесінде бокстасатын америкалық Теренс Кроуфорд WBO титулын иеленгеннен кейін Геннадий Головкинді басып озып, екінші орынға орналасты.

Еске салайық, бұдан бұрын Кроуфорд BoxRec нұсқасы бойынша P4P рейтингінде көш бастап, дивизиондағы барлық белбеуді жинауды мақсат еткенін мәлім етті.

Рейтингте украиндық чемпион Василий Ломаченко көш бастап тұр. Дисквалификациясын өтеп жатқан Сауль Альварес рейтингке енбеген:

1. Василий Ломаченко

2. Теренс Кроуфорд

3. Геннадий Головкин

4. Эррол Спенс

5. Майки Гарсия

6. Наоя Иноуэ

7. Срисакет Сор Рунгвисаи

8. Сергей Ковалев

9. Деонтей Уайлдер

10. Энтони Джошуа

Еске салайық, бокс сүйер қауым күтіп отырған Геннадий Головкин мен Сауль Альварестің жекпе-жегі 15 қыркүйекте, Мексиканың Тәуелсіздік күні қарсаңында өтеді.

Головкин екінші айқаста 40 миллионнан астам доллар табыс табады деп болжанып отыр.

  • Достармен бөлісу:
  • ЖАҢАЛЫҚТАР
  • Танымал