ФИФА қыркүйектегі халықаралық матчтардың қорытындысы бойынша ұлттық құрамалар рейтингін жаңартты, деп хабарлайды «SPORTINFORM» САА.

Грузия мен Андоррадан ұтылып қалған Қазақстан құрамасы өткен рейтингпен салыстырғанда екі орынға төмен түсіп, 118-орынға жайғасты. Қазақстанның алдына Намибия мен Зимбабве шықты.

Үздік ондықтағы өзгерістер: бельгиялықтар француздарды қуып жетіп, енді ФИФА рейтингінде бірден 2 команда көш бастап тұр. Алғашқы үштікті Бразилия құрамасы тұйықтаған.