23.10.2018, 11:45 926 GGG промоутері «Канеломен» үшінші айқас жайында мәлімдеме жасады

Промоутер Том Леффлер Геннадий Головкин мен Сауль «Канело» Альварестің үшінші жекпе-жегі бұрынғы чемпионға қарағанда мексикалық боксшыға көбірек қажет екенін айтты.

Боксшылардың алғашқы айқасы тең нәтижемен аяқталса, екінші айқаста төрешілер жеңісті Альвареске берген болатын.

«Геннадий «Канеломен» жекпе-жекке әрдайым дайын. Біз Головкин оны екі рет жеңді деп санаймыз. Үшінші рет айқас өткізбеуге ешқандай себеп жоқ. Сондай-ақ, біз бұған GGG-ге қарағанда «Канело» мүдделі деп есептейміз. Себебі, Сауль өз жанкүйерлеріне әділ және адал түрде жеңгенін дәлелдеуі керек.

Алғашқы айқас жақсы болды, екіншісі одан да керемет. Үшінші жекпе-жек бәрінен де қызықты болады деп ойлаймын. Оны жасай аламыз ба, көреміз. Мен Golden Boy Promotions президенті Эрик Гомеспен үнемі байланыстамын. Трилогияны ұйымдастыра аламыз ба, көре жатармыз», - деді Леффлер ESPN Deportes-ке берген сұхбатында.

  • Достармен бөлісу:
  • ЖАҢАЛЫҚТАР
  • Танымал