04.09.2018, 13:19 599 Головкин-Альварес реваншы алдында өтетін шаралар белгілі болды

Қазақстандық Геннадий Головкиннің промоутері Том Леффлер GGG - «Канело» реваншының алдында өтетін іс-шаралар туралы айтты.

 «Боксшылар сейсенбі күні келеді, ал баспасөз мәслихаты сәрсенбіге жоспарланған. Екі іс-шара да жұртшылық алдында өтеді. Салмақ өлшеу рәсімі T-Mobile Arena-да жұма күні болады, ол да ашық түрде ұйымдастырылады. Біз керемет айқас аптасын өткіземіз деп жоспарлап отырмыз. Бокста кепіл деген болмайды, бірақ GGG мен «Канело» арасындағы жекпе-жек тамаша болмақ», - деді Леффлер.

WBA/WBC/IBO тұжырымдары бойынша орта салмақтағы әлем чемпионы Геннадий Головкин мен Сауль Альварестің жекпе-жегі 15 қыркүйекте Лас-Вегастағы T-Mobile Arena-да өтеді. Қазақстандық көрермендер шоуды 16 қыркүйек күні таңертең тамашалай алады. Оны «Qazsport» және «Qazaqstan» телеарналары тікелей эфирден көрсетеді.

  • Достармен бөлісу:
  • ЖАҢАЛЫҚТАР
  • Танымал