03.03.2018, 6:44 6787 «Қайрат» футзалдан «Еременко кубогын» жеңіп алды

Алматылық «Қайрат» Мәскеу облысының Щелково аймағында футзалдан өткен дәстүрлі «Еременко Кубогы» жарысының үшінші кезеңінде СК КПРФ командасын ұтты, деп хабарлайды «SPORTINFORM» САА.
«Қайратқа» Игитаның командаға қайта оралғаны пайдасын тигізді. Ол әдемі ойын-өрнегімен қатар гол салуда да ұмыт қалдырған жоқ. Коммунистер қақпасына 7 гол салып, 3 голды жіберіп алған Еременко Кубогының қазіргі иегері КПРФ командасын турнирде бірінші болып тізе бүктірді.
КПРФ, «Қайрат» пен «Норильский Никель» командалары топтық кезеңді 6 ұпаймен аяқтады. Ал латвиялық «Никарс» бірде бір ұпай ала алмады.
Турнир жеңімпазы салынған доп санымен есептелді. Осы ретте Еременко Кубогын тарихта төртінші рет жеңіп алған Какау командасының нәтижелері өте жоғары болды.
  • Достармен бөлісу:
  • ЖАҢАЛЫҚТАР
  • Танымал