20.03.2018, 21:16 8276 Қазақстандық спортшылар Олимпиада ойындарындағы көрсеткіші үшін сыйақы алды

Оңтүстік Кореяда өткен ХХІІІ қысқы Олимпиада ойындарында жоғары нәтижелер көрсеткен қазақстандық спортшылар ҚР Үкіметінің 19.12.2014 ж. №1314 Қаулысына сәйкес ақшалай сыйақыларын алды, деп хабарлайды «SPORTINFORM» САА тілшісі ҚР ҰОК ресми сайтына сілтеме жасап.

Олимпиада ойындарының қола жүлдегері Юлия Галышеваға 75 мың АҚШ доллары көлемінде сыйақы берілді. Сонымен қатар, спортшының жеке бапкері, ұлттық құраманың бас жаттықтырушысы мен алғашқы бапкері де ақшалай сыйақы алды.

Олимпиада ойындарында ерлер арасындағы эстафета жарысында алтыншы орын алған шорт-трекшілер Абзал Әжғалиев, Нұрберген Жұмағазиев, Денис Никиша, Еркебұлан Шамұханов, сондай-ақ ұлттық құраманың бас жаттықтырушысы Мәдіғали Қарсыбеков пен спортшылардың жаттықтырушылары 5 мың АҚШ долларынан сыйақыларға ие болды.

  • Достармен бөлісу:
  • ЖАҢАЛЫҚТАР
  • Танымал