11.07.2018, 21:15 306 Қазақстанның каратэ құрамасы Әлем кубогында екінші орын алды

WGKF-тың ұйымдастыруымен Украинаның Одесса қаласында каратэ годзю-рюдан Әлем кубогы өтті, деп хабарлайды  «SPORTINFORM» САА.

Турнирде әлемнің 15 елінен жиналған спортшылар татамиге шықты. Нұрхан Аташбайдың басшылығындағы Қазақстан құрамасы жарысқа он екі каратэ шеберін апарған болатын.

Әлем кубогының қатысушылары каратэнің ката, кобудо, шобу-кумите, ирикуми-дзю, ирикуми-го бағыттары бойынша өзара мықтыны анықтады. Қазақстандықтар осы бағыттарда, әрбір салмақ санатында үздік үштік қатарынан көрінді.

Жалпыкомандалық есепте Қазақстан 13 алтын, 8 күміс және 5 қола медаль алып, турнирде екінші орынды иеленді.

  • Достармен бөлісу:
  • ЖАҢАЛЫҚТАР
  • Танымал