22.06.2018, 17:21 1639 ҚР Ауыр атлетика федерациясы 2020 жылы Азия чемпионатын өткізуге таласады

Азия ауыр атлетика федерациясының атқару комитетінің отырысында Қазақстанның ауыр атлетика федерациясы ел аумағында 2020 жылғы құрлықтық чемпионатты өткізу туралы ниетін растады, деп хабарлайды «SPORTINFORM» САА федерацияның баспасөз қызметіне сілтеме жасап.

Сондай-ақ, отырыс кезінде Азия құрлығында ауыр атлетиканы дамыту мәселесі, 2018 жылғы жазғы Азия ойындарына және 2019 жылы Үндістанда өтетін Азия чемпионатына дайындық барысы талқыланды.

 Шара барысында қазақстандық тарап IWF және AWF басшылығымен кездесу өткізді. Онда Қазақстан 2020 жылғы Олимпиада ойындарының квалификациялық ережелеріне сәйкес квота көлемін қысқарту мәселесіне қатысты өз пікірін білдірді.

2004, 2009 және 2013 жылдары үш мәрте құрлық біріншілігі Қазақстанда өткен болатын.

  • Достармен бөлісу:
  • ЖАҢАЛЫҚТАР
  • Танымал