18.08.2018, 23:14 2019 Отгонцэцэг Галбадрах Еуропа кубогында чемпион атанды

Бүгін Белоруссия астанасы Минск қаласында дзюдодан ашық Еуропа кубогы басталды. Жарыстың бірінші күнінде қазақстандық дзюдошылар Отгонцэцэг Галбадрах алтын, Есет Қуанов күміс жүлде еншілеп, ел қоржынына екі медаль салды, деп хабарлайды «SPORTINFORM» САА тілшісі ҚР дзюдо федерациясының ресми сайтына сілтеме жасап.

48 келіге дейінгі салмақта белдескен бұрымды балуанамыз Отгонцэцэг Галбадрах қарсылас шақ келтірмей, жарыс жеңімпазы атанды. Ол финалда ресейлік дзюдошы Татьяна Аякинадан басым түсті.

Ал, ерлер арасында 66 келіге дейінгі салмақта күрескен Есет Қуанов 5 кездесу өткізіп, финалда ресейлік Арам Григорянға есе жіберді.

Ашық Еуропа кубогының бірінші күнгі нәтижесі бойынша, Қазақстан құрамасы 1 алтын, 1 күміс медальмен жалпы крмандалық есепте 3-ші орында тұр. Жарыс 19 тамызға дейін жалғасады.

  • Достармен бөлісу:
  • ЖАҢАЛЫҚТАР
  • Танымал