01.04.2018, 10:10 833 Зарина Диястың Чарльстон турниріндегі қарсыласы анықталды

Қазақстанның бірінші ракеткасы Зарина Диястың Чарльстон (АҚШ) турниріндегі қарсыласы анықталды.
Зарина алғашқы айналымда дүниежүзілік рейтингте 91-інші орында тұрған америкалық Кристина Макхейлмен ойнайды. Егер оны ұтқан жағдайда осы турнирде үшінші ракетка болып тіркелген, қазіргі кезде Ресей теннисшілерінің көшін бастап отырған Дарья Касаткинамен кортқа шығады.
Қазіргі кезде Чарльстон турнирінде іріктеу сайыстары өтуде. Негізгі турнир ертең басталады.
Айта кетейік, бұған дейін Зарина Дияс Майами турнирінің төртінші айналымына дейін жетіп, онда жарақатына байланысты кездесуін жалғастыра алмай, чехиялық Каролина Плишковаға жол берген болатын. Бұл ірі жарыста финалда латвиялық Елена Остапенконы 7:6 (7:5), 6:1 есебімен ұтқан америкалық Слоан Стивенс жеңімпаз атанды. Ол енді әлемдік рейтингте 9-ыншы орынға көтеріледі. Сонымен қатар алдағы дүйсенбіде жаңартылатын рейтингте Зарина Дияс та үздік елуліктің қатарына кіреді.

 

  • Достармен бөлісу:
  • ЖАҢАЛЫҚТАР
  • Танымал